Stenbroens Jurister kalaallisut oqaasilimmik inatsisilerituumik pissarsiorpoq
Danmarkimi inuiaqatigiinnut inunnut inooriaatsimikkut navianartorsiortunut inatsisitigut siunnersuisarfimmi kalaallimik oqaasilimmik inatsisilerituussarsiorneq.
Stenbroens Jurister tassaavoq angerlarsimaffeqanngitsunut, aanngajaarniutinik atornerluisartunut allatigullu inooriaatsimikkut atugarliortunut inatsisitigut siunnersuisarfik immikkut nersornaaserneqarsimasoq. Inuit iserfissaqanngitsut unnuiffissarsiuuttarpagut, nerisassarsiutissaannik tunisarlugit, katsorsartinnissaannut aqqutissiuuttarlugit peqqinnissaqarfinnukarnissaannullu aqqutissiuuttarlugit.
Immikkut misissuinitsigut uppernarsarsinnaavarput inuiaqatigiit inunniit kingoqqisut Danmarkimiittut annertuumik inatsisitigut siunnersorneqarnissaminnut atorfissaqartitsisut. Suliaqarnittalu kingunerisaanik maanna Civilstyrelsen-imiit nalunaarut nutaaq tunngavigalugu Stenbroens Jurister aningaasatigut taperneqartartussatut akuerisaasimavoq.
Taamaammat maanna inatsisilerituumik kalaallisut oqaasilimmik Danmark-imi inatsisitigut siunnersuisarfimmik kalaallisut ingerlanneqartussamik inerisaaqataasussamik sulisussarsiorpugut.
Suleqatigiit akornanni immikkut kalaallinut/inuiaqatigiinnut inunnut sullissisussanut suleqataalissaatit, inatsisileritooq kalaaleq Sina Parbst Frederiksen inatsisilerituullu ilinniartut marluk kalaallisut oqaasillit suleqatigilissallugit.
Stenbroens Jurister ukioq 2021-imi pilersinneqarpoq sukkasuumillu taassuma kingorna ineriartorluni. 14-inik sulisoqarpoq, taakkunani qulingiluat inatsisilerituujupput pingasullu inatsisilerituutut ilinniartuullutik. Ukioq kingulleq suliassat inunnut tunngasut 2500-ut kommuuninullu 55-inut agguataarsimasut suliaraagut.
Suliffigisassat annerusumik København-imiissaaq aammali Aarhus-imi immikkoortortaqarfitsinnut illoqarfinnullu allanut suliartortarsinnaassallutit.
Piaartumik sulilernissat kissaatigaarput. Atorfik ulloq naallugu suliffiusussatut naatsorsuussaavoq, kissaatigigukkuli piffissap ilaannaa sulisartussatut isumaqatigiissutilioqatigisinnaavatsigit. Inatsisilerituut pisortallu akornanni kommunimi inatsisilerituutut suliffillit akissarsiassanut isumaqatigiissutaat malillugu illillu misilittakkatit pikkoriffitillu malillugit akissarsiaqartitsisoqassalluni.
Atorfik pillugu apeqqutissaqaruit Sina Parbst Frederiksen-imut oqarasuaatikkut 21355528 -mut sianerlutit imaluunniit mail-imut ataanut allaqqasumut saaffiginnissinnaavutit.
Qinnuteqaatit CV-illu kontakt@stenbroensjurister.dk -imut nassiukkit. Qinnuteqartunik oqaloqatiginnittarnissaq qinnuteqartoqarnera ilutigalugu ingerlanneqartassaaq. Atorfinitsitsiniarnermi oqaloqatigisassat dansk-isut oqaaseqartuummata qinnuteqaat dansk-isut allanneqassasoq qinnutigaarput. Oqaloqatiginninnissamut qaaqqusissutit qinnuteqartoqarnera ilutigalugu nassiunneqartarumaarput.
