Inatsisilerituutut ilinniartumik kalaallisuumik oqaasilimmik sulisussarsiorneq
(Vi søger grønlandsktalende jurastuderende. Stillingsopslaget er derfor på grønlandsk.)
Stenbroens jurister tassaapput inatsisitigut angerlarsimaffeqanngitsunut, aangajaarniutinik pinngitsuuisinnaanngitusnut allanullu inuiaqatigiinni navianartumik inissisimasunut inatsisit pillugit siunnersuisartut.
Stenbroens jurister oktober 2024-ianiit Danmarkimi qallunaatut inatsisit pillugit siunnersuisarnermik saniatigut kalaallisut siunnersuisalernikuupput. Københavnmimni Aarhusimilu allaffeqarpugut danskilli kommunii tamakkingajallugit najugaqartunit oqarasuaatikkut saaffigineqartarluta.
Maannakkut Københavnimi immikkoortortaqarfitsinni inatsisilerituutut ilinniartunik marlunnik kalaallisut oqaasilinnik ujarlerpugut sukkanerpaamik aallartittussanik. Suliffittaarni inuit pillugit immikkut sullissinissamut aallussamut suleqataalissaatit inatsileritoorput Sina Parbst Frederikseb kalaallinik siusaasalik ilagalugu, inatsisilerituullu ilinniartut kalaallisut oqaasillit allat pingasut ilagalugit, taakkunani marluk Aarhus-imiittuusut.
Immikkoortortap suliai Stenbroens jurister-ikkut suliaanit allaanerussuteqarput, inuit/kalaallit Danmarkimiittut inatsisinut sammiviit tamaasa ilanngullugit siunnersuisaramik. Taamaammat kalaallit oqaasiit atorlugit inatsisit pillugit siunnersuisarneq inuiaqatigiinni navianartumik inissisimasunut taamaallaat neqeroorutaanngilaq. Taamaammat inatsisileraluni assigiinngitsorpassuarnik suliaqarnissamut periarfissaqarputit.
Suliat Vesterbro-mi allaffitsinni, Kalaalli Illuutaanni aamma aqqusinikkut angalalluni sulinikkut ingerlanneqartassapput. Periarfissaqaruit Aarhus-imi immikkoortortaqarfitsinnut Kalaallillu Nunaannut angalasarnissamut periarfissaqaruit ilaasarsinnaavutit.
Taakkua saniatigut inatsisit pillugit siunnersuisarfittut sulianik ingerlatsivitsinnut ilaalissaatit. Sulisut 17-uvugut, taakkuani inatsisilerituut qulingiluat inatsisilerituujullutik inatsisilerituutullu ilinniartut arfiniliullutik. Ukioq kingulleq Danmark tamakkerlugu Kalaallit Nunaannilu inunnut ataasiakkaanut suliat 3.700-inik amerlatigisut suliaraagut.
Sulianik isumaqarluartunik pisinnaasatigullu unammillernartunik suliaqarnissat neriorsuutigaarput. Sukumiisumik sulianut tunngatillugu ilitsersuunneqarumaarputit suliarnilu nalornisaqaruit inatsisilerituut aqutsisut isumasiortarnissaanut periarfissaqartuaannassaatit.
Erngerluni sulilersinnaasumik ujarlerpugut. Agguaqatigiisillugu sapaatip akunneranut 15 tiimit sulisassaatit, apparnissaanut qaffannissaanullu aamma periarfissaqarputit. Akissarsiat akunnermut 157, 47 kr-inik annertussuseqarput saniatigullu utoqqalinersiassanut katersassat ilanngunneqassapput.
Suliffik pillugu apeqqutissaqaruit mailimut ataani allaqqasumut allassinnaavutit imaluunniit Sina Parbst Frederiksen-imut sianerlutit, uunga oq. 21355528.
Erngertumik qinnuteqaatit CV-illu kontakt@stenbroensjurister.dk -mut nassiutikkit. Qinnuteqaatit takkukkaangata misissorneqartassapput.
